A organizaçom
estudantil do MLNG vem de actualizar a sua página web adaptando-a a
nova situaçom de desenvolvimento e expansom territorial que tem experimentado
no último curso.
Estruturada em diversas secçons: actividades, documentaçom,
ligaçons, podem ser consultadas as diversas mobilizaçons contra
a LOU e a Lei de Qualidade, as inumeráveis iniciativas desenvolvidas
em solidariedade com o Alexandre, as campanhas eleitorais realizadas em Compostela
e Corunha, umha completa documentaçom dos textos assembleares, a reproduçom
do Agita!, -vozeiro nacional-, e alguns dos boletins locais como o Aula Nacional.
A web de AGIR junto co novo selo editorial Agita Ediçons, -que vem
de abrir duas colecçons coa re-ediçom das resoluçons
assembleares e o caderno de poesia em apoio ao Alexandre-, som duas boas notícias
para a imprescindível linha de comunicaçom dum MLNG condenado
ao ostracismo polos meios de comunicaçons da burguesia espanhola.