11D: o povo galego na rua contra as autoridades espanholas

O passado 11 de Dezembro mais do 12% do povo galego manifestou-se para exigir soluçons à crise nacional que vive a Galiza e para condenar a política de abandono, desinteresse e descoordenaçom do governo espanhol.

Entre 350 e 400 mil pessoas participárom nas mobilizaçons convocadas pola Plataforma Nunca Mais em Carnota, Carvalho, Carvalhinho, Cedeira, Compostela, Corunha, A Estrada, Ferrol, A Guarda, Lalim, Lugo, Ourense, Ponte-Vedra, Ribadávia, Ribeira, Vila-Garcia, Vilalva, Vimianço, Viveiro e Vigo. Nesta última cidade tivo lugar a manifestaçom mais numerosa: desafiando o frio e umha persistente chuvia fôrom mais de 150.000 as pessoas que secundárom a mobilizaçom. Em Ponte-vedra também tivo lugar a manifestaçom mais importante da história desta cidade: perto de 60.000 pessoas saírom à rua.


Voltar à página principal