Mais de 120 mil trabalhadoras/es galeg@s nas manifestaçons do 1º de Maio


Numha das mais numerosas mobilizaçons do Dia do Internacionalismo Proletário a classe operária galega participou massivamente na dúzia de mobilizaçons convocadas nas iversas grandes cidades da CAG. A mais numerosa tivo lugar em Vigo onde mais de 60 mil trabalhadores/as secundárom a mobilizaçom convocada pola CIG e as centrais espanholas.

 

 

Em Corunha e Ferrol fôrom mais de 15 mil respectivamente. Em Ponte-Vedra perto de 7 mil. Em Ourense 6 mil. Em Compostela 4 mil. Em Vila-Garcia assistírom 3 mil pessoas e em Sam Cibaro das Vinhas concentrarom-se uns centos.

Em Vigo a CUT e a CGT reunírom a algo mias de 1500 pessoas e a CNT mobilizou a unscentos nas diversas concentraçons realizadas em diversos pontos da Galiza.
A guerra imperialista contra o Iraque e a maré negra estivo presente nas palavras de orde e nas reivindicaçons.

No resto do mundo cumpre destacar que o 1º de Maio mais numeroso voltou novamente a ser o de A Havana. Um milhom de trabalhadoras e trabalhadores cuban@s ateigárom a praça da Revoluçom para seguir a intervençom de Fidel Castro na que foi denunciada a reactivaçom da permanente agressom ianque contra Cuba. "Se a fórmula é atacar Cuba como o Iraque talvez seja esse o último dos ataques fascistas desta administraçom, porque a luita duraria muito tempo, confrontamdo-se os agressores nom só a um exército, senom a milhares de exércitos que constantemente se reproduziriam" afirmou o comandante em chefe da revoluçom cubana entre os aplausos das massas trabalhadoras concentradas.

Em Madrid @s trabalhadores/as de Sintel dificultárom o desenvolvimento da manifestaçom denunciando a traiçom da corrupta burocracia sindical de CCOO nos acordos contraidos entre o comité de empresa, o governo, Telefónica e a central sindical. Durante os incidentes foi agredido José Maria Fidalgo, secretário geral de "Comisiones Obreras" que tivo que abandonar a manifestaçom escoltado polos guarda costas da pactista central sindical espanhola.

 



Voltar à página principal