Aberri Eguna
Convocados pola
plataforma Autodeterminaziorako Bilgune (AuB) perto de 15.000 pessoas assistírom
onte 20 de Abril à manifestaçom do dia da Pátria Basca.
Sob a legenda "Gernika, Iraque ... o mesmo fascismo. Adiante Euskal Herria"
as ruas de Iruñea, -a capital histórica da naçom basca-,
fôrom cenário da vitalidade e capacidade de mobilizaçom
social da esquerda independentista.
No acto político celebrado diante do monumento aos Fueros, no Passeio
da Sarasate, Itziar Lopategi, em nome de AuB, agradeceu as 80.000 assinaturas
de bascas e bascos que "desafiando o talante antidemocrático e
fascista do Governo espanhol" possibilitam que a esquerda abertzale poda
concurrir às eleiçons municipais em todos os concelhos de Euskal
Herria o vindouro 25 de Maio. Posteriormente o deputado Pernando Barrena apelou
a unidade de tod@s @s nacionalistas basc@s para derrotar o fascismo espanhol,
embora lamentou que a burguesia do PNB anteponha os seus interesses de classe
aos da defesa de Euskal Herria.
Bandeiras de muitas naçons sem estado de Europa, entre elas Galiza,
e de diversas organizaçons revolucionárias e de esquerda, manifestavam
o apoio solidário dos povos do mundo à referencial luita pola
independência, o socialismo e umha sociedade sem patriarcado que desenvolve
o povo basco desde há décadas.