O BNG e A Nosa Terra, de compadrio com a oligarquia em Lugo

20 de Fevereiro de 2003

A tenente de alcaide da cidade de Lugo polo BNG, Branca Rodríguez Pazos, e o director do semanário pró-Bloque A Nosa Terra, Alfonso Eiré, assistírom em Lugo a umha ceia organizada polo diário direitista e espanholista El Progreso, de Lugo, no qual foi entregue à tertuliana e suposta jornalista galego-espanhola Pilar Cernuda o Prémio Jornalístico Puro Cora, por um artigo favorável ao Governo e dedicado à crise do Prestige.
À ceia assistírom grande número de representantes institucionais e da direita espanhola, bem como oligarcas financeiros e grandes empresários ligados aos governos do PP, que a própria Plataforma Nunca Mais fai responsáveis pola catástrofe do Prestige. Inclusive o delegado do Governo espanhol na Galiza assistiu ao evento, estando como está imputado polo julgado de Corcubiom pola sua implicaçom na crise do Prestige.
Entre os participantes no acto encontravam-se representantes das forças vivas mais reaccionárias da Galiza, e algumha do Estado espanhol, entre as quais salientamos:
O presidente da Junta, Manuel Fraga; o presidente da Deputaçom de Lugo e conhecido cacique e corrupto, Cacharro Pardo; a ministra espanhola de Sanidade, Ana Pastor; conselheiros significadamente fachas, como Diz Guedes; diversos senadores do PP; Mauro Varela, presidente do Conselho de Administraçom de Caixa Galicia; o franquista Ramón García Malvar, fiscal chefe do Tribunal Superior de Justiça de Galiza; Luis Carrera Pásaro, director geral de Caixanova; José Luis García Sánchez, general chefe da XV Zona da Guardia Civil; Jesús María Izaguirre, fiscal chefe de Lugo; o secretário geral para as Relaçons com os Meios da Junta da Galiza, Alfonso Cabaleiro; e o próprio director do El Progreso, Luís Caeiro, entre outros.
Esperamos que Alfonso Eiré e Branca Rodríguez, em representaçom de A Nosa Terra e do BNG respectivamente, tenham desfrutado de tam distinguida companhia, que dá a medida do seu compromisso actual com o provo trabalhador galego.



Voltar à página principal