15 de Agosto de 2002
A desapariçom da
Zona Marítima del Cantábrico, devida à reordenaçom
funcional da Armada espanhola, preocupa ao BNG, já que, em opiniom
do seu deputado Francisco Rodríguez, "responde a um critério
excessivamente centrado no Levante e no Sul da península, com centralizaçom
funcional em Madrid, Cartagena e Cádis".
O BNG pediu explicaçons
sobre o atendimento que receberá o pessoal da Armada espanhola em destinos
como Ferrol, e quijo saber a que se devia a perda de protagonismo desta cidade
como capital departamental, o que na sua opiniom poderia ser prejudicial para
a mesma.
Rodríguez também
perguntou sobre os centros de formaçom da Armada espanhola em Ferrol,
interessando-se porque neles se impartam o máximo de especialidades.
Em definitivo, o BNG vê na perda de protagonismo ferrolano e galego no organigrama militar espanhol umha política discriminatória para o nosso país, dando um conteúdo inédito à sua demanda de maior peso e protagonismo galego no Estado espanhol.