Várias entidades e concelhos galegos promovem mais um ano a Correlíngua
6 de Maio de 2003

Entre os dias 5 e 16 de Maio, várias comarcas do país assistem a umha iniciativa escolar a favor do galego, consistente em convocar o alunado dos centros de cada zona a participar numha corrida simbólica em defesa da língua da Galiza.

A iniciativa, que já se desenvolveu em anos anteriores, é promovida pola CIG, a AS-PG e a MNL, bem como polas cámaras municipais de Compostela, Vigo, Lugo, Ponte-Vedra e Ferrol, que assumem o financiamento.

Além da maior parte das grandes cidades do país, comarcas como o Baixo Minho, o Salnês e a Marinha acolhem etapas da Correlíngua, entre os dias 5 e 16 de Maio. Milhares de escolares participárom já em ediçons anteriores, achando-se porém em falta outras medidas efectivas que acompanhem o apoio simbólico de alguns concelhos e das próprias instituiçons educativas à nossa língua nacional.


Voltar à página principal