A grande mentira
da "ajuda humanitária" espanhola no Iraque
26 de Abril de 2003
Diversos organismos internacionais ligados à ONU pugérom em evidência o engano promovido pola propaganda oficial espanhola ao falar de "ajuda" ou "intervençom humanitária" espanhola no Iraque, que difundem a diário os média do sistema.
Com efeito, nom menos de metade da "ajuda" espanhola tem directamente fins comerciais, enquanto só 6,7 milhons dos 50 milhons de euros investidos supostamente a apoiar o povo iraquiano podem ter algumha relaçom com os chamados "labores humanitários", para assim disfarçar a intervençom económica da burguesia espanhola na zona como de "ajuda às vítimas".
Entre a informaçom
revelada polas ONG's ligadas à ONU, destaca o facto de o Governo espanhol
condicionar o investimento de dinheiro, teoricamente destinado à ajuda
ao desenvolvimento, a que este seja revertido na compra de produtos espanhóis,
o que significa que o Estado espanhol promove a abertura de mercados para
as empresas espanholas e a exportaçom de produtos espanhóis
na zona.
Essa manipulaçom da "ajuda humanitária" por parte
espanhola em funçom dos interesses das exportaçons das suas
empresas implica o entrave ao desenvolvimento do país "ajudado",
ao fazê-lo depender das importaçons em lugar de favorecer o seu
desenvolvimento endógeno.
De outra parte, a Organizaçom para a Cooperaçom e o Desenvolvimento Económico (OCDE) denunciou nestes dias também a falsidade da intervençom "humanitária" das tropas espanholas no Iraque, umha vez que careceu e "carece da necessária imparcialidade que exige a ajuda humanitária". Som critérios políticos e estratégicos os que guiam os serviços médicos e o reparto de água e alimentos que as televisons espanholas nos mostrárom repetidamente nas últimas semanas, e nom a vontade nem a efectividade de colaborar com a populaçom atingida pola guerra imperialista.
Mais umha prova
da necessidade de mantermo-nos alerta ante a burda propaganda que sustenta
as "notícias" dos telejornais dos canais televisivos e restantes
meios de comunicaçom do Estado espanhol, financiados na sua prática
totalidade pola burguesia e/ou o Governo.