Pérez Marinho, alcaide de Vigo, ratifica a sua posiçom anti-galega
31 de Junho de 2003

O alcaide de Vigo, sustentado no cargo polo PSOE e o BNG, ratificou ante a Comissom de Governo da cidade que durante a legislatura que agora começou nom vai fazer uso do galego na sua condiçom de presidente da Cámara municipal.

Pérez Marinho esclareceu no seio do Governo municipal, perante os concelheiros do PSOE e do BNG que o mantenhem no cargo, que como alcaide de Vigo falará e escreverá unicamente em espanhol, contravindo asssim a própria legislaçom municipal que estabelece o compromisso, sequer formal, da instituiçom local viguesa com a língua da Galiza.

Já durante a campanha eleitoral, o juiz e representante do PSOE na maior cidade da Galiza seguiu o ronsel de Francisco Vásquez neste tema, reivindicando a sua espanholidade e desprezando abertamente o galego. Isso nom impediu que o BNG o apoiasse numha investidura que, segundo agora se confirma, servirá para afiançar mais ainda o espanhol no concelho de Vigo.


Voltar à página principal