O governo espanhol e a Junta mentem: continua a chegar chapapote às costas da Galiza. Aparecem aves marinhas mortas e petroleadas


Segundo informaçons recolhidas pola Plataforma Nunca Mais e por várias organizaçons ecologistas galegas, nas nossas praias continua a chegar fuel, ainda que o governo espanhol e a Junta tenham feito público que a partir do mês de Julho haviam de estar limpos todos os areais e nom haveria já mais chegadas de chapapote. Segundo informam estas organizaçons, está a chegar fuel em diferentes tamanhos a vários pontos do litoral galego, assinalando em concreto a chegada de quantidades significativas do mesmo à enseada do Treze, em Camarinhas, às Sisargas, ao Porto Doçom, e também na zona do Cabo de Udra; e também às praias de Samil, do Vao, ao Tombo do Gato, no Alcabre. Assinalam que dous cormoráns aparecêrom mortos e petroleados na praia da Calçoa em Teis.

Mais umha vez, a realidade virtual, a mentira e a propaganda, a normalidade ditada por decreto, som desmentidas pola realidade que podem observar as pessoas que se achegam à costa galega, como se pode apreciar, por exemplo, nestas fotos realizadas pola organizaçom ecologista ERVA, realizadas na praia das Figueiras, nas Ilhas Cies, no passado 11 de Junho.




Voltar à página principal