O Estado espanhol consegue que o euskara seja banido do Tour de França
8 de Julho de 2003

As pressons do Estado e dos meios de comunicaçom espanhóis conseguírom finalmente que a organizaçom do Tour de França revogasse a sua própria decisom de incluir o euskara na etapa em que a corrida de bicicletas transcorria por Iparralde (Euskal Herria).

Logo que se soubo do acordo assinado entre a organizaçom do Tour e Euskal Herriam Euskaraz (EHE), organismo popular de defesa dos direitos euskalduns, começou umha intensa campanha por parte do Estado espanhol exigindo que o euskara fosse banido da megafonia e rotulaçom de umha etapa, com a escusa de ter participado Batasuna nos acordos assinados. Lembremos que Batasuna é umha entidade legal no Estado francês, apesar do qual os organizadores franceses acabárom por suspender a promoçom do euskara na corrida.

Chama a atençom como o Estado espanhol, o PP e os meios do sistema nom se limitárom a pedir a revogaçom do acordo assinado por Batasuna, garantindo a permanência do idioma basco no Tour, senom que exigírom a eliminaçom do euskara, o que finalmente conseguírom.




Voltar à página principal