Êxito
da cadeia humana na Costa da Morte
Mais de 50.000
estudantes galeg@s secundárom hoje com grande sucesso a convocatória
do colectivo de mestras e mestres "Area Negra", unindo mais de 40
quilómetros da costa cumha cadeia humana, desde Mugia a Lage.
Até a
Costa da Morte chegárom autocarros de todo o país, Ferrol, A
Corunha, Vigo, Fonsagrada... fazendo realidade a cadeia humana mais grande
da história da Galiza.
A esquerda independentista estivo presente neste acto mediante a militáncia
de AGIR em diferentes pontos da cadeia, denunciando a crise nacional que está
a viver a nossa naçom. De facto o comunicado com que foi encerrado
este novo acto reivindicativo foi redigido por umha militante da organizaçom
estudantil independentista de Boiro. Mas as faixas de AGIR nom fôrom
as únicas presentes, a mocidade consciente da grave situaçom
que está a viver a Galiza e amplos sectores das classes trabalhadoras,
despregarom faixas sob as legendas: "Há esperança se há
rebeldia", "Por umhas rias limpas"...
O acto finalizou com o desenho, mediante os corpos d@s manifestantes, da palavra
"vida".
Também
houvo cadeias em outras localidades do país que nom puiderom participar
na principal por falta de autocarros, como Ferrol ou A Corunha, onde se unirom
dúzias de pessoas para protestar contra a gestom dos governos "galego"
e espanhol na crise ecológica e sócio-laboral que assola o nosso
país.
Destacar que a Junta da Junta da Galzia e o aparelho de poder da direita espanhola
pressionou a diferentes empresas de autocarros para evitar e dificultar a
realizaçom da cadeia humana, e que em vários localidades da
Galiza houvo que fretar autocarros de empresas do norte de Portugal.