Novo ataque
checheno contra o líder pró-russo
15 de Maio
Duas
mulheres chechenas autoimolárom-se para tentar acabar com a vida do
líder pró-russo, Ajmad Kadírov, na naçom caucásica,
que presidia um acto religioso. 30 pessoas morrêrom, incluídos
quatro guarda-costas de Kadírov.
As guerrilheiras figérom explodir 500 gramas de explosivos colados aos seus corpos, mostrando com toda a crueza a desesperada luita do povo checheno pola sua liberdade, manifestada em constantes ataques de todo o tipo contra a Administraçom colonial russa.
A resistência chechena há meses que prometeu a eliminaçom do líder do governo fantoche pró-russo, sofrendo desde entom vários ataques de que até agora tem saído ileso.
Apesar dos terríveis efeitos desta e outras acçons guerrilheiras chechenas, nom podem comparar-se com a devastaçom do país por parte do exército invasor russo. A capital, Grozni, foi destruída por completo polas bombas russas, centenas de milhares de habitantes mort@s e expulsas, numha campanha só comparável com os bombardeamentos sofridos por Gernika na Guerra Civil ou Dresde na II Guerra Mundial.
Putin tem dado
por liquidado o movimento de libertaçom nacional checheno em diversas
ocasions, a última vez após a celebraçom da vitória
russa no referendo-farsa do mês de Março, tendo que morder a
língua após as novas actuaçons independentistas.