Curso de língua em Ponte Areas

8 de Novembro de 2003

No dia 7 de Novembro, começou o 1º Curso de Galego organizado por GALEGUIZA, a entidade cultural recentemente constituída em Ponte Areas. O curso decorre no Centro Multiusos da vila às sextas-feiras de 20:30 a 21:30 durante os meses de Novembro, Dezembro e Janeiro, e será impartido por Sílvia Capom, licenciada em filologia galego-portuguesa e professora de Português na Escola Oficial de Idiomas, e membro do Movimento pola Defensa da Língua (MDL). O curso é totalmente gratuito e está aberto a todas as pessoas que queiram participar, nom sendo necessário inscriçom prévia. Tampouco existe um controlo sobre assistência de participantes para favorecer a participaçom a aquelas pessoas que nom puderem assistir a todas as aulas por distintas razons.

No primeiro dia, o 7 de Novembro, o curso começou com umha palestra explicativa das razons do reintegracionismo (norma da Associaçom Galega da Língua, AGAL); posteriormente, nas seguintes semanas, começará-se com as clases propriamente ditas.

Galeguiza é umha nova associaçom cultural de ámbito galego, que nasceu em Ponte Areas com a finalidade de promover e espalhar a Cultura Galega em geral e a sua língua em particular. Galeguiza participa do movimento reintegracionista frente ao isolacionismo oficialista, e o tipo de actividades que desenvolverá serám do mais variadas: desde cursos de galego, passando por magustos, festas populares, recitais poéticos, campanhas de normalizaçom lingüística, acampamentos culturais, roteiros ecológicos, sendeirismo, música, ... e muitas outras.

As actividades culturais de GALEGUIZA começárom com a ediçom de um díptico informativo sobre a associaçom e sobre a normativa do galego que empregamos. Este material está a distribuir-se por toda a comarca do Condado, que vai ser onde principalmente vai actuar a associaçom.


Voltar à página principal