Fala Ceibe
reivindica os direitos lingüísticos das crianças ponferradinas
12 de Março de 2003
A associaçom
normalizadora do nosso idioma no Berço, Fala Ceibe, fijo pública
a sua reclamaçom de que o chamado "pleno infantil" que decorreu
no dia 11 de Março em Ponferrada reconhecesse os direitos das crianças
"à sua própria vida cultural e a empregar o seu idioma",
tal e como recolhe a Convençom sobre os Direitos da Criança
no seu artigo número 30.
A dita norma internacional, incumprida flagrantemente polo Estado espanhol
e as suas instituiçons, reclama que os estados encaminhem a educaçom
de meninhos e meninhas no seu idioma e nos valores da sua cultura própria
(artigo 29.1.c).
Esta problemática é especialmente candente no Berço ocidental,
motivo polo qual Fala Ceibe reclama o reconhecimento de tam fundamentais direitos
infantis.
A citada associaçom lembra que som 13 os centros educativos e 350 os
alunos e alunas atingidos na comarca galega do Berço occidental. E
recorda também a exclusom sistemática do galego como matéria
de ensino, e sobretodo como língua veicular, o que obriga as entidades
cívicas bercianas e do resto da Galiza a ocupar-se de tarefas básicas
como o envio de livros galegos ou a reclamaçom dos direitos que as
instituiçons espanholas espezinham sem dissimulo.