FEDERAÇOM ECOLOGISTA GALEGA (FEG): BNG E PSOE TAMBÉM
COM SOGAMA S.A.
(Comunicado tirado do Canal Verde de Vieiros. Maio de
2002)
A gestom dos resíduos urbanos (RU) no conjunto das 5 cidades
governadas por BNG/PSOE é profundamente insatisfatória para a Federaçom Ecologista
Galega (FEG). Os governos municipais destas cidades nom mostrárom até hoje
um compromisso forte com a reduçom, a reutilizaçom e a reciclagem e nom quigérom
ou nom fôrom capazes de diferencia a sua gestom do lixo da do Partido Popular.
Em lugar de seguir o bom exemplo da Corunha, semelham resignar-se e conformar-se
com a opçom preferente de SOGAMA pola incinderaçom.
Os únicos sinais positivos som os anúncios dos governos de
Lugo e de Santiago da construçom de senlhas plantas de compostagem, ainda que
polo de agora nom se adoptárom as decisons definitivas. No caso de Compostela,
as contradiçons entre o concelheiro deo ambiente (BNG), partidário da
compostagem, e o alcalde (PSOE) despertam incerteza sobre o destino final do
lixo de Santiago, cuja ligeira está próxima de esgotar a sua capacidade. A FEG
pede ao alcalde de Santiago que nom entrave ou adie o desenvolvimento dum plano
municipal de gestom ecológica do lixo.
Todas as cidades governadas por PSOE-BNG, excepto
Santiago, enviam os seus resíduos à incineradora de SOGAMA S.A. Todo aponta par
que a maioria destas cidades continuarám a contribuir para a deterioraçom
ambiental do país ao possibilitarem a incineraçom da prática totalidade do seu
lixo e ao apresentarem índices de recolha selectiva e de reciclagem baixos.
A prática desenvolvida até hoje polos governos PSOE-BNG das principais cidades
(sobretodo em Ponte-Vedra e em Vigo, onde as luitas políticas primárom sobre a
resoluçom adequada da gestom dos RU) nom nos fai conceber esperanças sobre a
política de RU que poderia desenvolver um governo da Junta formado por estas
forças políticas. A FEG entende que um governo autonómico progressista deveria
desenvolver modelos de gestom dos resíduos baseados nos 3R (Reduçom,
Reutilizaçom e Reciclagem), e nom participar nem permitir a existência de
modelos como o de SOGAMA S.A., onde os interesses económicos primam sobre critérios
ecológicos e sociais.
A FEG reafirma a sua defesa da reciclagem e a compostagem como alternativas de
gestom reais, viáveis, ecológicas e menos custosas do que a incineraçom; tal
como mostram os modélicos planos de gestom dos RU do Concelho da Corunha, da
Ilha de Arousa, da Mancomunidade do Barbança e do Consórcio das Marinhas (que
agrupa nove concelhos da área metropolitana da Corunha, dous deles governados
polo PP).