Nova entidade cultural em Ponte Areas: Galeguiza

A vila de Ponte Areas conta com umha nova associaçom cultural, cuja configuraçom começou a plasmar-se no passado mês de Setembro e que acabou de ser apresentada como ponto de encontro para quem desejar trabalhar pola Cultura Galega, nomeadamente na comarca do Condado.

Desligada de qualquer organizaçom política concreta ou instituiçom, Galeguiza reconhece no galego um dos principais objectivos de trabalho social, com umha perspectiva reintegracionista. Mas também o fomento da cultura galega nas suas mais variadas manifestaçons será objecto de actuaçom da nova entidade no Condado, assim como agrupar as pessoas que desejem trabalhar por Galiza, pola sua modernizaçom e polo espalhamento e difusom da sua tradiçom cultural; defender a riqueza cultural existente e contribuir paraa aumentá-la, e em especial a sua língua, fomentando o seu uso em todos os ámbitos, tanto públicos como privados.

Para o cumprimento dos fins da associaçom, realizarám-se muitas e variadas actividades: cursos de galego e de outras disciplinas, campanhas de normalizaçom lingüística, recitais poéticos, conferências, publicaçons, exposiçons, concertos, roteiros culturais, excursons e acampamentos, actividades ao ar livre, jogos populares, magustos, palestras, teatro, vídeo, assim como todas aquelas actividades que contribuam para a realizacióm dos fins próprios da associaçom, com especial fincapé na normalizaçom lingüística.

As actividades que se organizem, em geral, irám dirigidas a todas aquelas pessoas interessadas em participarem, sejam ou nom sócios ou sócias de Galeguiza. Também poderá haver actividades dirigidas a determinados grupos sociais ou específicas para @s associad@s, fundamentalmente no campo da formaçom.

Voltar à página principal