Continua o processo de destruiçom da Galiza rural

Segundo dados oficiais espanhóis a metade das aldeias vazias ou com menos de 4 habitantes do conjunto do Estado estám na Galiza. A CAG conta com 3.977 lugares deste tipo, dum total de 7.644.
Segundo umha recopilaçom de dados do "Instituto Nacional de Estatística" (INE) realizada polo portal da Internet 'Toprural', a Galiza seguem-he em número de núcleos desabitados ou com menos de 4 habitantes Asturies (1.373); Castela e Leom (548); e Catalunha (426).
A investigaçom fai referência a "entidades de populaçom" (áreas habitáveis diferenciadas e com denominaçom própria) e "núcleos de populaçom" (que tenham polo menos 10 casas) na terminologia do INE e que incluem aldeias, lugares e pequenos povos.
A respeito do número de entidades e núcleos desabitados (0 habitantes) também o nosso país está situado à cabeça com 1.066 núcleos, seguido de Asturies (543); Castela e Leom (258); e Catalunha (228).
As CCAA que contam com menos núcleos desabitados som Cantábria (3); La Rioja (11); País Basco (17); e Extremadura (33).
Entre as Comunidades Autónomas que contam com núcleos nos que residem entre 1 e 4 pessoas, Galiza volta a ocupar o primeiro lugar, com 2.911 aldeias; seguida de Asturies (830); Castela e Leom (290) e Catalunha (198).

Voltar à página principal