Massiva resposta do povo galego contra a guerra

Simultaneamente centenares de milhares de galeg@s secundárom as dúzias de mobilizaçons que desde as doze da manhá ocupárom as ruas do país para manifestar a repulsa do povo galego a esta guerra imperialista. Segundo fontes de AGIR a greve no ensino secundário e superior convocada pola Plataforma "Mocidade galega pola paz" foi praticamente total, participando mais de 65.000 jovens nas diversas manifestaçons convocadas. A mais numerosa tivo lugar em Vigo com 15.000 estudantes, seguida de Compostela (12.000), Ourense (10.000), Corunha (9.000), Lugo (5.000) e 3.000 em Ferrol. Em Ponte-Vedra fôrom 450 @s estudantes que participárom na mobilizaçom encabeçada pola faixa da organizaçom estudantil da esquerda independentista, e 700 em Vila-Garcia de Arousa. Também houvo mobilizaçons nas principais vilas do país: Burela (500), Ribadeu (400), Boiro (60), Ortigueira (50), etc. Para mais informaçom consultar www.agir-galiza.org

Convocada pola "Coordenadora Galega pola Paz" centenares de milhares de galeg@s secundárom as concentraçons que às 12 da manhá e às 8 da tarde tivérom lugar diante dos concelhos de dúzias de localidades do país.
Em Compostela mais de oitenta pessoas participárom na concentraçom que a "Plataforma Galega pola paz e a nom intervençom" realizou diante das instalaçons do Barclays Bank, de capital ianque, na rua general Pardinhas da capital da Galiza. Posteriormente mais de 120 pessoas secundárom umha manifestaçom que finalizou no Obradoiro para unir-se à concentraçom da "Coordenadora galega pola paz".



Voltar à página principal