A ARMH ORGANIZARÁ EM PONFERRADA UMHAS JORNADAS SOBRE AS PESSOAS "DESAPARECIDAS" E REPRESALIADAS

A falta ainda de fechar completamente o programa definitivo, a Associaçom para a Recuperaçom da Memória Histórica (ARMH), está a organizar umhas jornadas sob a legenda "Os caminhos da Memória", que tratarám sobre a recuperaçom dos restos dos perseguidos da Guerra de 36 e o regime fascista posterior, e a sua dignificaçom e reconhecimento.

As jornadas terám lugar a finais de setembro na capital da comarca galega do Berço, nos dias 27, 28 e 29. Para o dia 27, sexta-feira, está programada a projecçom dum documental sobre a Guerra e as pessoas "passeadas". No Sábado 28, terá lugar umha palestra na Casa da Cultura, e no Domingo 29 está prevista a inauguraçom dum monolito em memória das pessoas perseguidas polo fascismo, em Cabaninhas (Cubilhos). Está previsto que acudam diversos especialistas e historiadores para falar sobre o tema, de diversos pontos do Estado e mesmo doutras partes do mundo.

Voltar à página principal