DESINTERESSE DA JUNTA
IMPEDE TRANSFORMAR O LEITE NA GALIZA
A Federaçom de
Empresários Produtores de Lácteos fijo pública a impossibilidade
de construir umha fábrica de transformaçom do leite das suas
produçons. Segundo esta federaçom, a Conselharia de Política
Agroalimentar rejeitou implicar-se na criaçom de tecido empresarial
próprio no sector, o que fai com que uns 250.000 litros de leite diários,
5% da produçom galega, sejam enviados a Madrid a partir do próximo
verao, quando seja lá construida a fábrica que a Junta nom quijo
promover no nosso país.
A indústria que
se criará em Madrid processará anualmente 182,5 milhons de litros,
produçom superior à que transforma Feiraco na Galiza (127,3
milhons). Manuel Bouças, secretário da FEPLAC na Galiza, afirma
que o investimento que requeriam à Junta era de 24 milhons de euros,
enquanto o departamento dirigido por Juan Miguel Diz Guedes nega que existisse
projecto autóctone, um projecto oposto ao oligopólio de firmas
multinacionais como Nestlé, Danone, Pascual ou Puleva.
Cumpre lembrar que no
passado a Junta sim financiou projectos que logo a seguir fôrom vendidos
a multinacionais estrangeiras, como Leyma ou Larsa, o que confirma a falta
de apoio do Governo autonómico à existência de um tecido
produtivo de ciclo completo na própria Galiza.