Protesto em favor da língua galega na processom do cristo "da vitória" em Vigo

Ao passo da processom do Cristo da Vitória pola viguesa rua Real - no bairro do Berbés -, o domingo 3 de Agosto, um grupo de jovens independentistas despregárom umha faixa com a legenda "ESTE ALCAIDE NOM RESPEITA O GALEGO", em alusom à atitude espanholista de Ventura Perez Marinho. O actual responsável do governo de coligaçom PSOE-BNG tem manifestado em reiteradas ocasions o seu desprezo polo idioma galego chegando a afirmar que nom acataria as ordenanças municipais que regulam o seu uso nos ambitos oficiais.

Entre @s milhares de assistentes à cita anual do fundamentalismo católico mais ranço, na que desfilam as principais autoridades militares e eclesiásticas da comarca, um grupo de "devot@s" tentou agredir às pessoas que participavam no protesto empregando o lume dos círios que portavam, após o qual esnaquiçarom a faixa. A polícia tentou por fim à "desordem", como sempre, identificando @s militantes da esquerda independentista. Vários meios de comunicaçom de massas, que filmárom ou fotográfarom todo o acontecido, decidirom silenciar e/ou manipular novamente a desobediência popular.