"A protecçom
do litoral deve ser tomada a sério. A situaçom agrava-se cada
ano e os responsáveis nom fam nada para solucioná-lo. De nada
servem as campanhas publicitárias do Ministério de Ambiente
com as suas vistosas demoliçons de prédios se continuam a autorizar
a destruiçom da costa'', declarou María José Caballero,
responsável da Campanha de Costas de Greenpeace.
A organizaçom apresentou
em conferência de imprensa o informe Destruiçom a toda costa
2002, em que revela o mau estado da costa devido às pressons exercidas
polo homem. Num percurso por todo o litoral do Estado espanhol, Greenpeace
compilou as principais ameaças que pairam sobre as costas galegas.
Segundo Greenpeace, apesar
de Galiza apresentar um litoral privilegiado, as suas costas estám
muito degradadas e descuidadas. A entidade ecologista baseou as suas acusaçons
em 437 expedientes abertos durante 2001 pola Conselharia de Ambiente, 53 por
cento mais do que no ano anterior.
Finalmente, a organizaçom
afirmou que a poluiçom que atinge à Galiza degrada a grande
velocidade o litoral e fai com que se ressintam todas as actividades que se
desenvolvem nas suas redondezas: pesca e marisqueio fundamentalmente.