Soldados ianques disparam contra umha manifestaçom no Iraque: 15 pessoas mortas e mais de 70 feridas

29 de Abril de 2003

As tropas invasoras continuam a causar massacres entre o povo indefeso iraquiano. Novamente, disparárom contra umha manifestaçom de 200 pessoas contrária à presença imperialista no país, totalmente pacífica segundo o canal Al Jazira, causando desta vez nom menos de 15 mortes e muitas dúzias de pessoas feridas.

Foi o 325 regimento de Infantaria norte-americano o encarregado de sufocar a manifestaçom, na cidade de Falouga (a 50 km de Bagdad), com as suas armas de fogo. Pelos vistos, alguns manifestantes iam "armados" com pedras, o que provocou a reacçom dos ianques. Os três hospitais da cidade tivérom que fazer frente ao grande número de manifestantes ferid@s de bala, enquanto 15 civis iraquian@s fôrom assassinad@s por manifestarem-se no seu país livre e pacificamente contra a ocupaçom do mesmo.

O comando USA reconheceu a acçom, umha vez que já nom lhe é possível acusar os mísseis de Saddam da morte de civis.

Nom podemos deixar de vincar o apoio inquebrantavel que os ditos "democratas" do PP continuam a dar à presença e às práticas do genocida exército estado-unidense no Iraque.



Voltar à página principal