Dezenas de milhares de pessoas nas ruas de Ferrol contra os responsáveis das marés negras
Ferrol registou
no dia 21 de Dezembro umha das maiores manifestaçons da sua história,
com umha maré humana a marchar por trás da palavra de ordem
Nunca Mais e da exigência de demissons das autoridades políticas
responsáveis pola catástrofe nacional imposta mais umha vez
por Espanha à Galiza.
Vizinhos e vizinhas de Ferrol, Narom, Fene, Valdovinho, Cedeira, Mugardos
e restantes concelhos da comarca enchêrom a cidade de bandeiras galegas,
faixas reivindicativas e berros de indignaçom exigindo a depuraçom
de responsabilidades pola destruiçom do nosso litoral.
Também a esquerda independentista marchou com faixa própria
de NÓS-UP nesta mobilizaçom, como em todas e cada umha das manifestaçons
massivas que no último mês estám a exigir medidas que
detenham as marés negras e que se vaiam o PP e restantes autoridades
espanholas responsáveis pola nossa ruína ambiental e económica.
A luita de massas continua, apoiada em greves de fame, manifestaçons,
sabotagens e actos de desobediência civil contra os representantes de
Espanha na nossa terra. E deve estender-se até derrotarmos os criminosos
capitalistas espanhóis.