Continuam
na Galiza as mobilizaçons contra a guerra
A terça-feira
25 de Março meio milhar de estudantes universitári@s convocad@s
por diversas assembleias de faculdade e por AGIR manifestárom-se na
capital da Galiza. A marcha partiu às 12 da manhá da praça
do Toural e finalizou cumha sentada diante do local "regional" do
PP, que se achava fortemente protegido por unidades da polícia espanhola.
Previamente na praça da Galiza realizou-se um corte de trânsito.
Na quinta-feira, convocada pola Plataforma Mocidade Galega pola Paz, mais
de cinco mil estudantes secundárom umha nova manifestaçom que
percorreu o centro de Compostela. Fôrom lançados dúzias
de ovos e sacos plásticos com água contra a fachada do local
do PP na rua do Hórreo, que voltava a estar fortemente protegido pola
polícia espanhola. A mobilizaçom finalizou numha ateigada praça
de Praterias. Posteriormente centos de estudantes secundárom a AGIR
e a AMI deslocando-se até a sede local do PP na rua Alfredo Branhas
onde se escuitárom novas palavras de ordem contra a direita espanhola
e o seu apoio à guerra imperialista contra o Iraque.
Noutros pontos
do país também houvo concentraçons e manifestaçons.
Convocad@s pola CIG e as centrais sindicais espanholas milhares de trabalhadores/as
secundárom um quarto de hora de paro contra a guerra. As principais
fábricas do país, assim como @s trabalhadores/as da sanidade,
educaçom e funçom pública fôrom os sectores com
maior repercusom.
Segundo diversas
fontes, a Coordenadora Galega pola Paz convoca para o domingo seis de Abril
umha manifestaçom nacional em Compostela contra a intervençom
imperialista no Iraque, e as centrais sindicais estám estudando convocar
umha greve geral de 12 horas para a sexta-feira 11 de Abril.