Mais de 5000 pessoas berram em Ponferrada contra a Guerra imperialista e pola paz

Com música de gaitas e tambores, e com diversas palavras de orde reivindicativas coreadas polas pessoas assistentes, partiu da Praça de Lazúrtegui às 19'00h. da tarde a manifestaçom contra a Guerra. Umha grande faixa com a legenda "Nom à guerra", portada por crianças abria a manifestaçom convocada pola Plataforma contra a Guerra do Berço.
Bandeiras vermelhas, outras com imagens do Che, símbolos pacifistas e faixas com desenhos e legendas diversas, assim como bandeiras galegas, enchiam de cor e reivindicaçom a multitudinária resposta da populaçom berciana contra o imperialismo. Palavras de orde como "a culpa de quem é? dos que votam ao PP", "nunca mais, guerra nunca mais", "guerra nom","isto é o que nos passa por um governo facha", etc... fôrom algumhas das que puderom escuitar-se durante o percorrido.
Na praça do Concelho, e depois dum simulacro de bombardeio, um membro do Colectivo Caracol leu em nome da Plataforma um comunicado no que animava a seguir luitando contra a guerra.






Voltar à página principal