Grande mobilizaçom de Nunca Mais em Madrid: o reformismo espanhol frota as maos
Convocad@s pola
Pataforma Nunca Mais, dezenas de milhares de espanhóis e galeg@s manifestárom-se
pola capital de Espanha para exigir responsabilidades no caso Prestige. Esta
grande mobilizaçom confirma a capacidade de convocatoria de Nunca Mais,
que foi capaz de levar milhares de galegos e galegas a Madrid para reclamar
a depuraçom de responsabilidades no desastre do Prestige.
É, pois, motivo de satisfaçom comprovarmos o bom estado de saúde
do movimento de massas galego, se bem temos que lamentar que tenha assumido
o discurso da sua direcçom reformista e renunciado ao ámbito
territorial e ao universo simbólico e humano galego como referência
da luita em defesa da nossa terra. Com efeito, a luita galega que nos últimos
meses centrou os seus esforços na própria Galiza, diluiu-se
nas ruas de Madrid dando protagonismo aos grandes partidos e sindicatos reformistas
espanhóis e homologando-se como "luita espanhola".
Nom só o protagonismo do PSOE, de IU, de CCOO, de UGT corroboram este
facto. As referências e personagens da cultura galega diluírom-se
entre os grupos musicais e actores espanhóis que representárom
os milhares de manifestantes anónimos. Desapareceu a reivindicaçom
nacional e a permanência da Galiza como centro da acçom e a luita,
por mais que o autonomismo galego tente falar de umha suposta "marcha
sobre Madrid".
Pola nossa parte, Primeira Linha continuará a apoiar a autoorganizaçom
em parámetros nacionais do movimento popular, combatendo o eleitoralismo
que subjaz nos dirigentes políticos que actualmente hegemonizam o movimento
de massas galego.
Seremos os primeiros em alegrar-nos do fim dos governos fascistóides
do PP, mas também em afirmar, contra toda ilusom, que a chegada do
reformismo autonomista ao poder na Junta nom servirá para que a Galiza
seja transformada em direcçom à soberania e ao socialismo. Tampouco
para acabar com o patriarcado.
Só a consolidaçom do movimento independentista no seio das massas
e umha direcçom política revolucionária à sua
frente poderá servir aos fins históricos do movimento patriótico
e progressista galego.