Junho de 2002
DECLARAÇOM
DA ORGANIZAÇOM MARXISTA-LENINISTA FRENTE POPULAR PARA A LIBERTAÇOM
DA PALESTINA (FPLP) EM RELAÇOM COM O ENCADEAMENTO DO SEU SECRETÁRIO
GERAL
A FPLP acusa a Arafat de abuso de poder por nom libertar Saadat.
A Frente Popular para
a Libertaçom da Palestina (FPLP) acaba de reiterar ao presidente
da Autoridade Nacional Palestiniana (ANP), Yaser Arafat, a reclamaçom
de que faga efectiva a libertaçom do seu secretário geral, Ahmed
Saadat, declarando que a sua negativa a fazê-lo "nom é
mais que um abuso de poder".
Nun comunicado divulgado
em Damasco, a FPLP adverte que a postura de Arafat "é umha
clara evidência de que nom pode levar a bom termo as pretendidas reformas
políticas".
"Rejeitar o veredito
do Tribunal Superior de Justiça palestiniana (que ontem decretou a
liberdade de Saadat) revela como falsas as afirmaçons de independência
judicial, e cria decepçom sobre o diálogo e a unidade nacional",
explica o comunicado.
A opositora FPLP também reclama a liberdade dos outros quatro detidos, três membros da organizaçom acusados de matar o ministro israelita de Turismo, Rejavam Zeevi, e Fuad Shobaki, a quem responsabilizam de tentar fornecer armas à resistência palestiniana.
O Tribunal Superior Palestiniano ditaminou na segunda-feira 3 de Junho a libertaçom de Saadat, ao considerar que nom tem provas da sua implicaçom na morte do ministro israelita.
Sadat foi encadeado no
passado 1 de Maio junto de outros quatro membros da FPLP na prisom de Jericó
sob vigiláncia dos Estados Unidos e da Gram Bretanha, o que facilitou
a libertaçom de Arafat, Confinado nos seus escritórios de Ramala
desde o dia 29 de Março.