Milhares de pessoas mobilizam-se pola língua catalá em Perpinyá


9 de Novembro de 2003

Entre 3.000 e 5.000 pessoas participárom na manifestaçom que encerrou o Correllengua ou corrida nacional pola língua dos Países Cataláns na zona catalanófona do Estado francês no dia 7 de Novembro. A manifestaçom decorre todos os anos coincidindo com o aniversário da anexaçom polo Estado francês do Rosselló, o Conflent, o Capcir e a Mitja Cerdanya, comarcas cuja catalanidade reclama o nacionalismo catalám.

A CAL (Coordinadora de Associacions per la Llengua) organiza a corrida nacional em defesa dos direitos lingüísticos cataláns, que nesta ediçom se iniciou no mês de Setembro e findou no dia 7 de Novembro em Perpinyá. Ao final da manifestaçom nacional, decorreu um concerto na mesma cidade da Catalunya Nord.

A esquerda independentista catalá denunciou que as forças policiais obstaculizárom a passagem pola fronteira entre o Principado e a zona norte, provocando engarrafamentos e identificando as pessoas que pretendiam dirigir-se a Perpinyá e participar nos actos reivindicativos em defesa da língua do povo catalám.



Voltar à página principal

Imagem da manifestaçom que percorreu as ruas de perpinyá