PLENÁRIO DA
ASSEMBLEIA DA LÍNGUA
Primeira Linha participará, juntamente com numerosas organizaçons,
entidades e pessoas
No sábado 7 de
Setembro tem lugar a partir das 10:00 h. o terceiro plenário da Assembleia
da Língua, nas compostelanas Escolas Cristás da Imaculada.
A Assembleia da Língua,
organizaçom criada no passado 23 de Fevereiro com o intuito de cordenar
a acçom social do reintegracionismo, chega neste novo plenário
a um ponto de inflexom na sua trajectória. Depois de ter conseguido
unificar baixo as suas siglas um grande número de pessoas comprometidas
com o ideário reintegracionista, assim como o apoio dalgumhas das organizaçons
mais importantes dentro deste ámbito, a AL deverá afrontar agora
os pontos fulcrais da sua acçom.
De facto, o terceiro ponto
da presente convocatória, do qual se espera que ocupe um noventa por
cento do plenário, leva o título de "Debate sobre o futuro
e a projecçom da Assembleia da Língua". Sob este ponto
vam ser tratados temas tam importantes como as suas funçons e objectivos,
ou a sua estrutura organizativa. E é de esperar que o papel das organizaçons
já existentes antes da criaçom da AL, no novo marco de actuaçom
aberto após o 23 de Fevereiro, centre grande parte do debate.
Também dentro deste
ponto haverá um informe de actuaçom da cordenadora da AL e serám
aceites novas propostas de campanhas de actuaçom para o futuro da organizaçom.
A este respeito, é de assinalar também um outro ponto da convocatória,
o segundo, que tratará da apresentaçom da campanha para a recepçom
das televisons portuguesas na Galiza.