Sessenta mil
pessoas em Vigo solicitam a demissom dos responsáveis
Desafiando a
chuva e o frio mais de sessenta mil pessoas secundárom em Vigo, na
tarde-noite do domingo 5 de Janeiro, a manifestaçom lúdica convocada
polo colectivo Artistas contra a burla negra ligado à Plataforma Nunca
Mais. Nesta nova demonstraçom da força do movimento de massas,
gerado como resposta popular à criminal gestom do Estado espanhol no
acidente do Prestige, voltou-se a solicitar a demissom dos responsáveis.
As dezenas de milhares de trabalhadores e trabalhadoras e outros sectores
populares, que durante horas participárom na manifestaçom, que
em todo o seu percorrido nom perdeu o tom satírico e festivo, superou
novamente as expectativas da plataforma convocante.
NÓS-Unidade
Popular participou activamente na manifestaçom portando umha faixa
coa legenda "Estamos fart@s de ser umha colónia. Independência".
Esta mobilizaçom constata a necessidade de aprofundar e alargar o movimento
e a existência de condiçons sociais para convocar umha greve
geral que tumbe o governo do PP e pressione ao Estado espanhol para que adopte
as medidas necessárias para solucionar a crise nacional que padece
Galiza.