Referendo
na Córsega
O nacionalismo
corso pedirá o voto favorável no referendo sobre o novo Estatuto.
As principais formaçons nacionalistas corsas, -Corsica Nazione e Indipendenza-,
solicitarám o voto a favor da proposta do novo Estatuto de autonomia
para a ilha, pois tenhem decidido tacticamente aceitar "o que nom pode
considerar-se mais que um tímido avanço".
Em conferência
de imprensa @s responsáveis das duas organizaçons de libertaçom
nacional anunciárom que solicitarám o voto afirmativo no referendo
que terá lugar o vindouro 6 de Julho, embora mantenham profundas reservas
sobre o projecto. "O nacionalismo nom pode facer de Póncio Pilatos
ou acrescentar os seus sufrágios aos d@s antinacionalistas a quem inquieta
a supresom dos departamentos na ilha. É um eslabom essencial do clientelismo
que pode ver-se ameaçado, se @s nacionalistas cors@s estám massivamente
presentes nas instituciçons".
O projecto de
estatuto dO Governo francês contempla suprimir os dous departamentos
nos que está dividida Córsega, e a sua substituiçom por
"conselhos territoriais" para as actuais Córsega do Sul e
Norte de Córsega. A campanha para o referendo, à que estám
convocad@s 180.000 eleitores/as da ilha, comezará o próximo
23 de Junho.
@s votantes pronunciarám-se
sobre se estám a favor do "projecto de Estatuto para instituir
umha administraçom descentralizada em Córsega", segundo
o texto apresentado polo ministro do Interior francês, Nicolas Sarkozy.
Se é aprovado o novo Estatuto, convocarám-se eleiçons.