Repressom dos direitos lingüísticos galegos nas Portelas
9 de Janeiro de 2003

O alcaide de Ermisende, concelho galegófono sob administraçom castelhano-leonesa, proíbe ao alunado do colégio que dirige utilizar o galego. A denúncia nom parte da esquerda independentista, senom do alcaide do vizinho Lubiám. Segundo Felipe Lubiám, o alcaide de Ermisende polo Partido Popular, Honorato Álvarez, mestre de profissom, é inimigo acirrado do galego na comarca das Portelas já de velho. Negador sistemático da galeguidade das falas da citada comarca, o alcaide de Ermisende e director do colégio de Lubiám, Honorato Álvarez, proíbe agora o uso do galego no centro que dirige, segundo denuncia o alcaide desse concelho.

Naturalmente, o citado elemento conta com todo o apoio do seu partido e da legislaçom actual, que condena a populaçom das comarcas galegas administradas polas Astúries e Castela e Leom à mais absoluta desprotecçom no que di respeito aos seus direitos lingüísticos.

Voltar à página principal