Julgamento de dous independentistas galegos na Audiência Nacional: NÓS-UP levará solidariedade galega, democrata e republicana

13 de Janeiro de 2009

NÓS-Unidade Popular fijo público um comunicado em que informa da próxima realizaçom da vista oral contra os dous militantes independentistas galegos acusados pola Audiência Nacional espanhola da queima de umha figura em madeirado Bourbon. Será no dia 4 de Fevereiro e NÓS-UP voltará a levar, com já fijo quando fôrom declarar há agora um ano, solidariedade galega a Madrid.

A seguir, reproduzimos o comunicado em que NÓS-UP informa dos pormenores do processo repressivo, que entra agora na fase de julgamento oral. Será na Sala Central da Audiência Nacional no dia 4 de Fevereiro. Umha concentraçom convocada por NÓS-Unidade Popular em frente dos tribunais de excepçom espanhóis dará apoio aos dous compatriotas.

Julgamento de Santi e Alexandre, no dia 4 de Fevereiro, na Audiência Nacional: NÓS-Unidade Popular vai levar-lhes a solidariedade galega, democrata e republicana

Finalmente, os dous independentistas acusados pola Audiência Nacional de “menosprezar e vilipendiar a figura de SM o Rei” pola queima de um boneco que representava o monarca espanhol no dia 6 de Dezembro de 2007, numha manifestaçom autodeterminista, vam ser julgados polo juiz Vázquez Honrubia no dia 4 de Fevereiro às 10.30h na Sala Central do Penal desse tribunal de excepçom espanhol.

 Há que lembrar que já se produziu, há agora um ano, umha primeira comparência de quatro militantes independentistas pola mesma causa, ficando dous posteriormente livres de cargos. Há que lembrar também episódios significativos do processo, como a carta emitida polo juiz instrutor, Grande-Marlaska, referindo-se à nossa língua como “dialecto gallego”, rectificando posteriormente após a denúncia pública realizada por NÓS-Unidade Popular. Há que lembrar ainda o embargo imposto sobre a vivenda de Santiago Mendes, de maneira preventiva, como se de um delinqüente fiscal ou financeiro se tratasse.

 

Em definitivo, há que lembrar que estamos perante um julgamento dirigido contra as ideias republicanas e independentistas dos companheiros Santi e Alexandre, por terem supostamente participado na queima de um boneco que simbolizava umha instituiçom fortemente contestada por sectores importantes do nosso povo. Umha instituiçom que nega a soberania nacional galega e constitui um obstáculo para a democratizaçom do Estado espanhol, verdadeira prisom de povos.

 

O processo contra Alexandre e Santi, que enfrentam duras multas (5.400 euros a 3.600 euros, respectivamente), confirma que o direito de livre expressom e pensamento está gravemente limitado polo Estado herdeiro do franquismo, daí que seja fundamental responder aos ataques repressivos contra esses direitos fundamentais.

 

Com esse objectivo, NÓS-Unidade Popular vai organizar umha viagem a Madrid, para que os galegos e as galegas nos solidarizemos com estes dous compatriotas, concentrando-nos frente à Audiência Nacional e assistindo à vista oral contra eles.

 

Do norte e do sul da Galiza partirám autocarros que se dirigirám a Madrid no dia 4, e umha representaçom da Direcçom da nossa Direcçom Nacional acompanhará os dous companheiros, transmitindo assim a clara mensagem de que as ideias antimonárquicas, republicanas e independentistas fam parte do património da esquerda social galega, e nom vamos renunciar a praticá-las.

 

Convocamos o nosso povo trabalhador a manifestar a solidariedade com os dous companheiros, podendo contactar com o número 669778474 quem quiger viajar a Madrid em apoio a Santi e Alexandre.

 

Galiza, 13 de Janeiro de 2009

Direcçom Nacional de NÓS-Unidade Nacional

 

No 4 de Fevereiro, tod@s a Madrid!

Defendamos e exerçamos os nossos direitos!

Alex, Santi, solidariedade!

Adiante a República Galega!

 

 

Voltar à página principal