Causa Galiza convoca em apoio ao direito de autodeterminaçom

30 de Novembro de 2008

Coincidindo com o dia da Constituiçom espanhola, Causa Galiza volta a convocar umha mobilizaçom em defesa do exercício do direito de autodeterminaçom por parte do nosso povo. Será no sábado dia 6 às 13h30 na praça do Toural, em Compostela.

Segundo indica no seu site, Causa Galiza mantém a sua aposta unitária para que o soberanismo de esquerda visibilize a reivindicaçom autodeterminista numha data em que o Estado espanhol vai exaltar os 30 anos de Constituiçom monárquica e contrária às liberdades nacionais dos povos nom homologados pola sua espanholidade obrigatória.

Segundo afirma Causa Galiza, "A Constituiçom espanhola significou a proibiçom expressa do exercício da soberania nacional e do direito à autodeterminaçom do povo galego. Privou-nos da possibilidade de decidirmos qual é a relaçom que queremos manter com o resto dos povos".

As comunistas e os comunistas aderimos à convocatória, importante para manter aceso o facho da mobilizaçom colectiva em defesa dos nossos direitos nacionais, com umha perspectiva inequivocamente de esquerda.

 

Voltar à página principal