Agendadas novas mobilizaçons em apoio ao heróico povo palestiniano

9 de Janeiro de 2009

Um importante número de colectivos mui diversos no seio do que, de maneira ampla, pode chamar-se esquerda social galega, vem coordenando em cada vez mais comarcas e também a nível nacional a dinámica popular de resposta ao terrorismo de Estado israelita.

Se na passada semana saírom alguns milhares de galegos e galegas às ruas das principais cidades e vilas, a partir de hoje retomam-se as mobilizaçons comarcais, que culminam no dia 18 de Janeiro com umha manifestaçom nacional convocada por Galiza por Palestina.

Entidades sindicais, políticas, juvenis, culturais, feministas, ambientalistas, entre outras e em funçom da casuística própria de cada comarca, venhem dinamizando as concentraçons comarcais, que hoje mesmo continuam com convocatórias em Ferrol, nas Pontes e Ponferrada. Sábado sairám à rua em Ponte Areias, Compostela, Vigo, Ponte Vedra, a Estrada e a Corunha.

Por parte da corrente da esquerda independentista em que se insere a militáncia do nosso partido, NÓS-Unidade Popular e BRIGA venhem participando desde o primeiro dia nas reunions e convocatórias naquelas comarcas em que existe umha estrutura orgánica estável.

Eis a lista de mobilizaçons agendadas de hoje ao próximo dia 18:

Ferrol (Sexta-feira, 9 de Janeiro às 20h no Prédio da Junta da Galiza)

Pontedeume (Sexta-feira, 9 de Janeiro às 20h)

Ponferrada (Sexta-feira, 9 de Janeiro às 20.30h na Praça do Concelho)

Ponte Areias (Sábado, 10 de Janeiro)

Compostela (Sábado, 10 de Janeiro às 20.30h)

Vigo (Sábado, 10 de Janeiro às 20.30h no MARCO)

Ponte Vedra (Sábado, 10 de Janeiro às 20h na Praça da Ferraria)

Corunha (Sábado, 10 de Janeiro às 20.30h no Obelisco)

Estrada (Sábado 10 de Janeiro às 20.30h na Praça do Concelho)

Dia 18 de Janeiro: manifestaçom nacional convocada por Galiza por Palestina com o apoio da esquerda independentista, entre outros sectores.

 

Voltar à página principal