Abrente Editora lança novo blogue para facilitar a distribuiçom de livros marxistas em galego

14 de Agosto de 2008

A Associaçom Cultural Abrente Editora, ligada ao nosso partido e encarregada de publicar obras galegas e internacionais ligadas ao pensamento marxista e à luita pola independência da Galiza, acabou de estrear um novo espaço na rede, onde se mostram todas as obras editadas desde 1996 até a actualidade.

O formato de blogue facilita a actualizaçom de conteúdos e a visualizaçom dos mesmos, além de permitir a encomenda através de um simples formulário. Che Guevara, Vladímir Illich Ulíanov, Karl Marx, Víctor Serge, Francisco Martins ou Michael Löwy estám presentes nas diferentes colecçons, junto a autoras e autores galegos como Noa Rios Bergantinhos, Carlos Taibo ou Maurício Castro.

Com mais de vinte e cinco títulos publicados, a Abrente Editora materializa o importante esforço militante dos comunistas e as comunistas galegas para espalhar no seio da classe trabalhadora galega o mais destacado do pensamento marxista, com as coordenadas que sempre caracterizárom o projecto político de Primeira Linha: a aposta independentista e socialista, junto à luita pola plena emancipaçom da mulher.

Visitando o novo blogue da Abrente Editora, podes rever todos os títulos e, caso nom os conheças, dar umha vista de olhos e encomendar os que achares de interesse. Além do mais, novos títulos estám para sair e continuarám a encher este espaço para a cultura libertadora do independentismo comunista galego.

 

Voltar à página principal