Hoje vem o nosso Apalpador, que repartirá castanhas às crianças e nom se venderá à Coca Cola

O Apalpador em Compostela

24 de Dezembro de 2008

Dentro da dinámica popular de recuperaçom das tradiçons nacionais galegas, neste ano diferentes entidades da Galiza promovem o conhecimento de umha figura mítica das Festas de Inverno galegas: o Apalpador ou Pandigueiro, velho carvoeiro das montanhas do leste da Galiza, que traz castanhas e presentes às crianças galegas. Ao contrário do Pai Natal, o nosso Apalpador nom se vendeu à Coca Cola, e é contra o consumo compulsivo e contra as transnacionais que o imponhem.

A iniciativa partiu da Gentalha do Pichel, em Compostela, e foi seguida polos centros sociais e outras entidades de Trasancos, Compostela, Vigo, Ponte Vedra, a Límia, Ourense e Lugo. Em todas elas haverá rondalhas populares entre o dia 24 (Compostela) e o dia 30 (Ferrol).

O Apalpador em Ponte Areias

Diferentes meios de comunicaçom, impressos, digitais e de rádio e televisom, tenhem recolhido informaçons sobre o Apalpador nas últimas semanas, no que constitui umha importante iniciativa para a recuperaçom das tradiçons da nossa naçom, ligadas a atitudes de consumo responsável e de afirmaçom identitária.

Um estudo sobre a figura do Apalpador foi realizado por José André L. Gonçales e publicado polo Portal Galego da Língua, primeiro, e pola Fundaçom Artábria recentemente. Pode ser lido aqui.

Damos os parabéns a todas as entidades envolvidas na recuperaçom do Apalpador e encorajamos a aderir à dinámica de afirmaçom nacional frente à uniformizaçom espanhola e capitalista.

Abramos as portas ao Apalpador!

 

Voltar à página principal