Apresentadas listas, linha gráfica e espaço informativo de NÓS-UP para as eleiçons autonómicas

1 de Fevereiro de 2009

Na tarde do sábado dia 31 de Janeiro foi apresentada em Compostela a linha política que seguirá a candidatura de NÓS-Unidade Popular às eleiçons do 1 de Março. As listas das quatro circunscriçons, com mulheres nos primeiros lugares, som maioritariamente compostas por trabalhadoras e trabalhadores que reflectem a maioria da populaçom assalariada galega na actualidade.

Jovens, mulheres e activistas de diferentes movimentos sociais conformam a candidatura, que se apresenta sob a legenda "Voto galego e de esquerda, GZ pola independência".

Na comparência pública do sábado, estivérom presentes as quatro mulheres que encabeçam as listas, junto a outros e outras integrantes das mesmas e da Direcçom Nacional de NÓS-Unidade Popular. Na mesma, foi mostrada a linha gráfica que seguirá a campanha, bem como o programa eleitoral e o novo espaço comunicativo na rede, que substituirá durante as próximas semanas a página oficial de NÓS-Unidade Popular, no mesmo endereço.

Representantes de NÓS-UP lamentárom que, mais umha vez, nom fosse possível umha confluência do conjunto do soberanismo de esquerda numha única candidatura, como era a sua intençom e consta na tentativa difundida nos meios de comunicaçom nos últimos meses, reafirmando que os apoios eleitorais em NÓS-Unidade Popular serám votos contra o assimilismo espanhol, contra o capitalismo e pola unidade da esquerda independentista galega.

 

Voltar à página principal