Ferrol: denunciam repressom contra a defesa da língua

23 de Julho de 2008

Um grupo de companheiros e companheiras acompanhárom hoje nos tribunais de Ferrol cinco das onze vizinhas e vizinhos denunciados pola polícia espanhola por participarem no mês de Fevereiro numha concentraçom contra a presença de 'Galicia Bilingüe' no concelho de Narom.

Um juiz da cidade galega iniciou a instruçom do caso interrogando cinco vizinhos e vizinhas da comarca de Trasancos, que se negárom a responder as perguntas. O assunto remonta à campanha antigalega protagonizada polo colectivo pró-espanhol 'Galicia Bilingüe', que percorreu diferentes concelhos do nosso país defendendo um reforçamento do domínio social e institucional do idioma do Estado frente a qualquer eventual avanço do galego.

As provocaçons espanholistas fôrom respondidas nas ruas galegas por colectivos e pessoas diversas, que em numerosos casos acabárom sofrendo denúncias das forças repressivas, como neste caso, em que 11 vizinhos e vizinhas da comarca de Trasancos afrontam denúncias por 'danos'.

Para os próximos dias, estám citados e citadas outras seis pessoas, em relaçom ao mesmo assunto. Todas elas recebêrom a solidariedade de entidades trasanquesas como NÓS-Unidade Popular ou a Fundaçom Artábria.

 

Voltar à página principal