Estudantes independentistas boicotam intervençom de Nuñez Feijó na Universidade de Compostela

11 de Dezembro de 2008

Grupos de estudantes independentistas respondêrom à iniciativa de AGIR para mostrar o rejeitamento à presença do líder do PP na Galiza, Alberto Núñez Feijó, na Faculdade de Políticas da Universidade de Compostela.

AGIR denuncia no seu site a utilizaçom de umha entidade estudantil fantasma para organizar umha conferência sob o título: 'Que é a universidade para ti?', que promovia realmente o sector mais extremista do professorado da USC.

O PP carretou numeroso público ligado a esse partido, de diferentes pontos da Galiza, para arroupar do dirigente, que deparou com a desagradável surpresa da presença de estudantes independentistas que conseguírom entrar na sala, ao contrário de outros e outras que vírom impedida a passagem.

Durante meia hora, fôrom coreadas palavras de ordem contra o fascismo, contra o PP e contra a tortura, até abandonar o lugar com berros de "Aqui está, aqui se vê, o estudantado galego em pé".

Legendas nas paredes e cartazes contra o espanholismo e o fascismo enchêrom a zona coincidindo com a visita do dirigente do PP.

AGIR resume a iniciativa de ontem com estas palavras, no seu web:

"Estamos orgulhosos e orgulhosas de impedir o livre desenvolvimento de actos que, contra o que promocionam os media do sistema, nom constituem exemplo algum de normal desenvolvimento dumha universidade. Ao contrário, som a imagem mais evidente da sua parasitaçom por parte de agentes espanholistas que agem a diário contra a nossa identidade nacional, contra os direitos individuais e colectivos das pessoas e dos Povos do mundo, e contra toda forma de superaçom do extermínio capitalista."

Voltar à página principal