Delegaçom galega participa em Caracas na homenagem internacional a Manuel Marulanda

26 de Setembro de 2008

Umha delegaçom galega viajou à capital venezuelana respondendo ao convite da Coordenadora Continental Bolivariana, para participar numha homenagem ao líder guerrilheiro colombiano, recentemente falecido. Diversos actos políticos e a inauguraçom de um monumento a Manuel Marulanda componhem a homenagem.

Membros do Capítulo Galego da Coordenadora Continental Bolivariana, junto a representantes bascos, constituem as duas delegaçons europeias participantes nos actos organizados em Caracas desde ontem, hoje e durante o fim de semana.

O governo oligárquico colombiano já fijo público um protesto pola homenage a quem liderou a oposiçom popular das FARC-EP à oligarquia durante décadas. Por seu turno, as FARC agradecêrom o gesto internacionalista da CCB, que continua a avançar no caminho de coordenar os povos da América Latina, contando com o apoio solidário de delegaçons europeias como a basca ou a galega.

Os nossos compatriotas distribuem nestes dias entre as bases bolivarianas das delegaçons dos diferentes povos latino-americanos um caderno em três idiomas destinado a dar a conhecer a existência da naçom galega e da sua luita específica pola independência nacional e o socialismo. Reproduzimos aqui a ediçom digital do mesmo, facilitada polo Capítulo Galego da CCB.

Em próximos dias esperamos informar sobre o desenvolvimento dos actos internacionalistas de Caracas.

 

Voltar à página principal