Duas autoras compostelanas ganham o Certame Literário Feminista do Condado

11 de Novembro de 2008

A Assembleia de Mulheres do Condado informa no seu blogue da decisom do júri do V Certame Literário Feminista do Condado, que atribuiu o prémio dividido entre dous accesits.

Os trabalhos premiados fôrom o intitulado “Desastre ecolóxico dos adentros”, de Laura Peña Moscoso, e “Desejar é subjuntivo. Arrastrar a história”, de Maca Rocamonde Igrejas, autoras compostelanas nos dous casos. A entrega dos prémios realizou-se no Local Social Baiuca Vermelha de Ponte Areias no sábado 25 de Outubro.

A iniciativa da AMC supom a continuidade do único Certame Literário Feminista existente na actualidade na Galiza, autogerido por umha organizaçom de mulheres de carácter comarcal, que garante a continuidade numha nova ediçom para o ano 2009.

Voltar à página principal