[Vídeo] Pintam de cor de rosa símbolos franquistas na Cámara Municipal de Crecente

21 de Novembro de 2008

A sede muncipal do concelho de Crecente amanheceu neste 20 de Novembro com os escudos fascistas que a presidem cobertos de tinta cor de rosa, após a visita nocturna de antifascistas que reivindicárom assim a retirada dos símbolos da ditadura militar, como se vê no vídeo de 1 minuto reproduzido acima.

O concelho de Crecente é governado polo Partido Popular, através de Julio César García-Luengo Pérez, que se nega a aplicar a normativa legal existente, evitando retirar elementos simbólicos que exaltam a ditadura, como a águia imperial espanhola e o escudo da Falange lavrados na pedra dessa Cámara Municipal.

Enquanto os políticos "de ordem" incumprem as normas da sua própria legalidade burguesa e espanhola, galegos e galegas anónimas continuam a reivindicar de maneiras mui diversas a democracia verdadeira para a Galiza: a luita contra os símbolos franquistas que a esquerda independentista protagoniza desde há anos é um bom exemplo.

Em Ferrol, NÓS-UP insiste

Em Ferrol, militantes de NÓS-Unidade Popular pintárom o rótulo do Centro de Educaçom Especial Carmen Polo para reivindicar a mudança de nome, depois de já terem apresentado umha proposta formal nesse sentido à direcçom do centro.

 

Voltar à página principal