NÓS-Unidade Popular reivindica "que os ricos paguem a crise"

7 de Novembro de 2008

A organizaçom independentista e socialista NÓS-Unidade Popular anuncia no seu site umha campanha reivindicativa e de denúncia sobre a natureza da crise e a necessidade de "a enfrentarmos colectivamente, com unidade obreira e popular, numha perspectiva abertamente anticapitalista de luita nacional polo socialismo."

Em concreto, NÓS-UP vai distribuir digitalmente e em papel um tríptico em que analisa a situaçom crítica actual do capitalismo mundial e reivindica que a classe trabalhadora galega a enfrente em chave nacional e com umha perspectiva anticapitalista.

A esquerda independentista, garante NÓS-UP, "vai estar, já está, cotovelo com cotovelo nas luitas que já estám aí, e nas que virám". Daí que lance umha mensagem de unidade e luita para enfrentar umha iminente "nova vaga de luita de classes que nos enfrentará aos de sempre, na perspectiva da derrota história de Espanha e o capitalismo".

 

A seguir, oferecemos a ligaçom para o tríptico que, junto a milhares de cartazes e autocolantes, vai tornar visível a aposta mobilizadora e de luita da esquerda independentista galega nestes tempos de crise sistémica capitalista. Clica em cima para aumetares o tamanho da publicaçom:

 

.: Ediçom do tríptico em PDF (+...)

 

Voltar à página principal