'Os novos reptos da economia cubana', em Compostela

4 de Novembro de 2008

Por iniciativa da Associaçom de Amizade Galego-Cubana Francisco Vilhamil, a capital galega acolhe umha palestra sobre a actualidade da economia cubana, no dia 6 de Novembro, intitulada “Os novos reptos da economia cubana”.

A conferência será pronunciada por Betsy Anaya Cruz, professora do Centro de Estudos da Economia cubana, e decorre na Galeria Sargadelos a partir das 19h30. A economista cubana será apresentada polo presidente da Francisco Vilhamil, Valentín Alvite.

Betsy Anaya Cruz é especialista en economia internacional comparada, tendo participado em eventos internacionais como o “Encontro Internacional de Globalizaçom e Problemas do Desenvolvimento”, decorrido em várias ediçons na cidade de Havana, e em outros importantes foros e eventos de análise económica. É grande conhecedora da História Económica de Cuba e investigadora de temas de saúde pública, demografia económica e produçom pecuária de Cuba.

 

Voltar à página principal