Galiza, subcampeá mundial de futsal

As bandeiras dos três países que melhor classificadas em Reus (Països Cataláns)

6 de Outubro de 2008

As mulheres da selecçom galega de futsal figérom história ao levarem, pola primeira vez na história, o nosso país a umha final mundial oficial numha especialidade de desporto de equipas. Porém, a jornada de ontem nom foi histórica só por isso: a equipa rival, que acabou vencendo, era também representante de umha naçom sem Estado da Europa Ocidental, e ambas derrotárom, com a sua conquista, as aspiraçons espanholas de impedir que a Galiza e os Países Cataláns participem em competiçons desportivas oficiais de carácter internacional.

Imagem das meias-finais com a Argentina

Além da Galiza, no campeonato mundial participárom: Argentina, Austrália, Bélgica, Catalunha, Colômbia, Itália, Paraguai, República Checa, Rússia, Ucránia e Venezuela.

Como parte da estratégia espanhola de ocultamento do protagonismo galego e catalám, os media galegos de obediência espanhola evitárom informar sobre o acontecimento, enquanto os principais jornais desportivos espanhóis utilizárom umha linguagem extremamente agressiva para atacar as aspiraçons galegas e catalás.

Jogadoras da nossa selecçom com Siareir@s Galeg@s no aeroporto da Corunha

Parabenizamos as compatriotas que representárom o nosso país com tanta dignidade, apesar dos obstáculos de todo o tipo que o Estado espanhol coloca para que, também no ámbito desportivo, podamos existir. As máximas representantes do nosso futsal demonstrárom que existimos e continuaremos a existir, afirmando-nos como povo livre e soberano.

Oferecemos o vídeo disponibilizado polo colectivo de Siareir@s Galeg@s, com declaraçons do treinador e da capitá da equipa nacional galega, à chegada ao aeroporto da Corunha.

 

:: Mais informaçons sobre o mesmo tema

Siareir@s Galeg@s: Galiza e Catalunha metem um gol a Espanha (+...)

 

Voltar à página principal