Centros Sociais celebram com magostos a proximidade do Inverno

31 de Outubro de 2008

A chegada do Inverno pom de actualidade a continuidade do trabalho de base que desenvolvem os centros sociais populares que funcionam em cada vez mais cidades e vilas da Galiza. A prática totalidade deles tem agendados, à margem das iniciativas institucionais, magostos para este fim de semana, em torno do dia 1 de Novembro, com a castanha e o vinho como protagonista, como cada ano.

Compostela

O Centro Social do Pichel organiza um magosto popular na praça 8 de Março, na sexta-feira dia 31, a partir das 22 horas. Um magosto que costuma juntar grande quantidade de pessoas em torno do lume, para combater o frio com castanhas assadas e boa música ao vivo.

Ferrol

Também a Fundaçom Artábria, em plena comemoraçom da sua primeira década de existência, convoca a um magosto no bairro ferrolano de Esteiro, como preámbulo para umha actuaçom do clown Pedro Brandariz. As actividades serám às 20h30 e às 22 horas, respectivamente.

Ponte Vedra

O Centro Social Revira, de Ponte Vedra, organiza umha saída ao monte para apanhar castanhas nos soutos das redondezas de Ponte Vedra no domingo dia 2, para no fim de semana seguinte, no sábado dia 8, assá-las numha foliada molhada com queimada e acompanhada de pam com chouriço no seu Centro Social.

Ourense

Na cidade das Burgas o magosto tem umha participaçom popular importante e é organizado por diferentes locais e colectivos, incluída A Esmorga. Será no dia 8 a partir das 11h30, quando as pessoas participantes se deslocam para Monte Alegre, onde se realiza a festa.

Corunha

O Centro Social Gomes Gaioso comemora neste 1 de Novembro a próxima chegada do Inverno com bebida e comida típica das festas populares galegas nesta altura do ano. Também haverá também sessom de música metal.

Ponte Areias

A 31 de Outubro, na Praça da Igreja, ten lugar a celebraçom da tradicional festa da chegada do Inverno com protagonismo para as cabaças na Assembleia Aberta do Local Social Baiuca Vermelha. Após umha tarde de elaboraçom colectiva de cabaças, a partir das 9 começa a festa com castanhas assadas, vinho, roscas, chocolate e boa música popular.

Boiro

No Centro Social Aturuxo, haverá sessom de construçom de cabaças, leitura de contos de medo, queimada e conjuro, ao longo da tarde e noite do dia 1 de Novembro.

 

Voltar à página principal