Delegaçom de Primeira Linha viaja a Lisboa para participar na apresentaçom de 'Os anos do silêncio', de Francisco Martins

25 de Junho de 2008

Fruto da colaboraçom entre as editoras portuguesa Dinossauro e galega Abrente, apresenta-se nesta sexta-feira na capital portuguesa a obra póstuma de Francisco Martins Rodrigues Os anos do silêncio. Umha delegaçom do Comité Central do nosso partido participará na apresentaçom da obra, um novo acto de homenagem ao grande revolucionário português e grande amigo da Galiza.

O evento, organizado polo colectivo comunista Política Operária, decorre no dia 27 de Junho, sexta-feira, a partir das 21 horas, nas instalaçons da Biblioteca Museu República e Resistência, na rua Alberto Sousa, 10 A, Zona B do Rego, em Lisboa.

Na sessom evocativa estará patente umha exposiçom biográfica de Chico Martins e será apresentado o volume Os anos do silêncio, constituído por textos inéditos que Francisco Martins começou a escrever em 2006 sobre os seus primeiros anos de clandestinidade e prisom durante a ditadura fascista em Portugal.

O livro, de 120 páginas, inclui, entre outros documentos de grande interesse, o testemunho em primeira pessoa da tortura do sono, que Francisco Martins sofreu nas prisons salazaristas em 1966, e outros textos inéditos sobre a luita clandestina do movimento comunista português.

A publicaçom de Os anos do silêncio é o fruto de umha colaboraçom entre as chancelas Dinossauro e Abrente, na melhor tradiçom de irmandade popular galego-portuguesa. A obra estará disponível na Galiza a partir da próxima semana por um preço de 11 euros.

 

Voltar à página principal